Çində torpaq sürüşməsi nəticəsində 9 nəfər itkin düşüb
Şənbə günü mərkəzi Çinin Hubei əyalətinin Yichang şəhərində magistral yol tikintisi sahəsində torpaq sürüşməsi nəticəsində 9 nəfər hələ də itkin düşüb.
Bu barədə CGTN xəbər verib. Bazar günü saat 08:00-a olan məlumata görə, ümumilikdə beş nəfər xilas edilib, onlardan dördünün vəziyyəti stabildir.
Yerli hakimiyyət orqanlarının məlumatına görə, sürüşmə yerli vaxtla saat 16:00 radələrində baş verib. Hazırda qurbanların sayı məlum deyil.
