Ərdoğan Putinlə danışıqların nəticələrini açıqlayıb
Ərdoğan Putinlə danışıqların nəticələrindən danışıb. O, Putinlə ehtiyacı olan ölkələrə ərzaq yardımı məsələsini müzakirə edib.
Türkiyə prezidenti Rəcəb Tayyib Ərdoğan bildirib ki, Rusiya prezidenti Vladimir Putinlə danışıqlar zamanı o, taxıl sazişi çərçivəsində ehtiyacı olan ölkələrin ərzaqla təmin olunması məsələsini müzakirə edib və tərəflər onların həyata keçirilməsi üçün gələcək səylərinin vektorunu müəyyənləşdiriblər.
AFN.az xəbər verir ki, bu barədə Türkiyə dövlət başçısı hakim Ədalət və İnkişaf Partiyasının Türkiyədə keçirilən toplantısında bildirib.
“Cənab Putinlə son söhbətimiz zamanı biz Afrikanın ən yoxsul ölkələrinə ərzaq, xüsusilə də taxıl göndərmək səylərini müzakirə etdik”, - Ərdoğan bildirib.
Xatırladaq ki, dövlət liderləri arasında telefon danışığı mayın 29-da Putinin Ərdoğanı Türkiyədə keçirilən prezident seçkilərində qələbəsi münasibətilə təbrik edərkən baş tutub.
