"Mançester Yunayted" baş məşqçisi ilə müqaviləni yeniləyir
"Report" ESPN-ə istinadən xəbər verir ki, "qırmızı şeytanlar" 48 yaşlı mütəxəssisin rəhbərliyi altında komandanın nəticələrindən razıdır.
Rəhbərlik norveçli baş məşqçinin daha uğurlu nəticələr qazanacağına inanır.
Qeyd edək ki, Ule-Qunnar Sulşer 2018-ci ildən "Mançester Yunayted"də işləyir. Onun klubla sözləşməsi 2022-ci ilin yayında başa çatmalıdır.
Komanda hazırda Premyer Liqada 57 xalla ikinci pillədə qərarlaşıb. "Mankunianlar" Avropa Liqasının 1/4 finalında İspaniya "Qranada"sı ilə üz-üzə gələcək.
