“Mançester Yunayted” İngiltərə kubokunun finalında “Mançester Siti”nin rəqibi oldu
![](/uploads/posts/2024-04/1713723913_man-yunayted-citi.png)
İngiltərə kubokunun yarımfinal matçında “Mançester Yunayted” penaltilər seriyasında “Koventri”ni mübarizədən kənarlaşdırıb və finalda “Mançester Siti”nin rəqibi olub.
İngiltərə Kubokunun yarımfinalında “Mançester Yunayted” və “Koventri Siti” komandaları üz-üzə gəlib.
“Mançester Yunayted” Uembley Stadionunda oynanan matçda 23-cü dəqiqədə Skott McTominay, 45+1-ci dəqiqədə Harri Maquayer və 58-ci dəqiqədə Bruno Fernandesin vurduğu qollarla 3:0 önə keçiblər.
“Koventri Siti” 71-ci dəqiqədə Ellis Simms, 79-cu dəqiqədə Kallum O'Hare və 90+5-ci dəqiqədə Hacı Raytın penaltidən vurduğu qollarla hesabı 3-3-ə çatdırıb.
Matçın normal vaxtı və əlavə vaxtı 3:3 hesablı bərabərliklə başa çatdıqdan sonra penaltilər seriyasına start verilib.
Penaltilər seriyasında rəqibinə 4:2 hesabı ilə qalib gələn “Mançester Yunayted” adını finala yazdıraraq “Mançester Siti”nin rəqibi olub.
Mançester derbisinin yer alacağı İngiltərə Kubokunun final oyunu mayın 25-də oynanılacaq.