Tovuzda orta məktəbin 2 sinfi COVID-19 səbəbindən bağlanıb
![](https://static.report.az/photo/8951e3fe-b727-351e-9b2e-5ddc61fe3114_850.jpg)
Tovuz rayonunda orta məktəbin 2 sinfi distant təhsilə keçib.
"Report"un Qərb mərkəzinin məlumatına görə, buna səbəb məktəbin müəllimlərindən birinin koronavirus pandemiyasına yoluxması olub.
Belə ki, rayonun İsakənd tam orta məktəbində bir müəllimdə COVID-19 testinin cavabları pozitiv olduğu üçün müəllimin dərs dediyi iki sinif bağlanıb. Şagirdlər müvəqqəti olaraq onlayn təhsil alacaqlar.
Məktəb rəhbərliyi tərəfindən şagirdlərin valideynləri məlumatlandırılıb, sinif otaqları xüsusi məhlullarla dezinfeksiya edilib.