Uşaqlar arasında qastroenteritlərin müşahidə olunmasının səbəbləri açıqlandı
K.Fərəcova adına Elmi-Tədqiqat Pediatriya İnstitutunun pediatrı Azər Əhmədov daha çox uşaqlar arasında qastroenteritlərin müşahidə olunmasının səbəblərini açıqlayıb.
Pediatr bunu peyvənd əskikliyi ilə əlaqələndirib. Onun sözlərinə görə, təqvim üzrə 1 yaşa qədər uşaqlara təhlükəli xəstəliklərə qarşı peyvənd vururlur: “Bu yaşa qədər vaksinlər tam vurulmadıqda uşaqlarda qastroenteritə daha çox rast gəlinməsi normaldır”.
Hər qusma və ishalın qastroenterit olmadığına diqqət çəkən mütəxəssis bildirib ki, bu, infeksion və qeyri-infeksion ola bilər: “Evdə müdaxilə zamanı ilk olaraq uşağın ishal, qusma zamanı itirdiyi maye qədər yenidən daxilə qəbul etdirmək lazımdır. Gün ərzində bir-iki qusma olarsa normal qəbul etmək lazımdır. Uşaq 6 aydan kiçikdirsə, qastroemterit varsa, hər bir şəkildə həkimə müraciət edilməlidir. Daha yuxarı yaşlarda yüngül formada ilkin müdaxilə etmək olar. Qanlı ishal olarsa, vəziyyət pisləşərsə, yüksək hərarət olarsa, həkimə müraciət etmək lazımdır. Bu xəstəlik zamanı ishalı artıran qidalardan uzaq durmaq məsləhətdir”.(Report)
