Tokio-2020: Ukraynanın ilk qızıl medalını Ali Radanın deputatı qazanıb
![](/uploads/posts/2021-08/1628087671_bcf22c20-957c-3b1e-9ddb-476395d88ef9_850.jpeg)
Ukraynalı deputat Jan Belenyuk Tokio-2020 Yay Olimpiya Oyunlarının qalibi olub.
"Report"un məlumatına görə, 87 kq çəki dərəcəsində çıxış edən yunan-Roma güləşçisi finalda macarıstanlı Viktor Lorintsə 3:1 hesabı ilə qalib gələrək qızıl medal əldə edib.
Bu, Ukraynanın Tokio-2020-də ilk qızıl medalı olub. O, həmçinin iki dəfə dünya, üç dəfə Avropa çempionluğu, Minsk-2019 II Avropa Oyunlarında qalibiyyət əldə edib.
Qeyd edək ki, Jan Belenyuk 2019-cu il avqustun 29-dan Ukrayna Ali Radasının deputatıdır.