NATO Baş katibi Cənubi Qafqaz üzrə yeni xüsusi nümayəndə təyin etdi
NATO Baş katibinin Cənubi Qafqaz və Mərkəzi Asiya ölkələri üzrə xüsusi nümayəndəsi təyin olunub.
“Qafqazinfo” xəbər verir ki, bu barədə İspaniyanın NATO-dakı nümayəndəliyi öz tvitter hesabında məlumat verib. Bildirilir ki, bu vəzifəyə Havyer Kolomina təyin edilib.
İspan diplomat NATO Baş katibinin köməkçisinin müavini vəzifəsini də icra edəcək.
Qeyd edək ki, Kolominadan əvvəl NATO Baş katibinin Cənubi Qafqaz və Mərkəzi Asiya ölkələri üzrə xüsusi nümayəndəsi vəzifəsini 2010-cu ildən etibarən Ceyms Appaturay icra edib.
