NATO Baş katibinin xüsusi nümayəndəsi Azərbaycana səfər edəcək
NATO-nun Baş katibinin Qafqaz və Mərkəzi Asiya üzrə xüsusi nümayəndəsi Xavyer Kolominanın Azərbaycana səfər edəcəyi tarix açıqlanıb.
Bu barədə “Report”un sorğusuna cavab olaraq Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə bildirib.
Onun sözlərinə görə, X.Kolomina mayın 25-də Azərbaycana gələcək.
Qeyd edək ki, NATO Baş katibinin xüsusi nümayəndəsi hazırda Ermənistanda səfərdədir.
