Azərbaycan Premyer Liqasında komanda sayı ilə bağlı strategiya hazırlanıb
![](/uploads/posts/2021-10/1633705107_e2c7bdb4-5b18-3ad1-b66b-34b5b9b89960_850.jpg)
"AFFA-nın “GROW-2020 İnkişaf strategiyası”na uyğun olaraq, Premyer Liqada komandaların sayı 10-a çatdırılmalı idi".
Bu fikirləri AFFA-nın icraçı vitse-prezidenti Elxan Məmmədov milli assosiasiyanın rəsmi saytına müsahibəsində deyib.
Funksioner bildirib ki, pandemiya ilə əlaqədar bu məsələnin həllini tapması bir qədər yubanıb: "İlin sonuna qədər AFFA-nın yeni strategiyası ictimaiyyətə təqdim olunacaq və orada bütün bu məsələlər öz əksini tapıb".
Məmmədovun sözlərinə görə, futbolun inkişafı üçün bəzi vacib və müsbət addımlar artıq atılıb: "Təbii ki, problemlərimiz mövcuddur və futbol elə idman növüdür ki, problemlər hər zaman olacaq. Amma yenə də irəli getmək üçün birlikdə addımlamalıyıq. Bu isə təkcə AFFA-nın, klubların öhdəliyi deyil, həm də digər qurumların, iş adamlarının da sosial məsuliyyətidir".