Ermənistanın XİN rəhbəri Türkiyəyə səfər edəcək
Ermənistanın xarici işlər naziri Ararat Mirzoyan və parlamentin vitse-spikeri, Ermənistanın Türkiyə ilə danışıqlar üçün xüsusi nümayəndəsi Ruben Rubinyan Türkiyəyə səfər edəcəklər.
Məlumatı Türkiyənin XİN rəhbəri Mövlud Çavuşoğlu açıqlayıb. O bildirib ki, Mirzoyan və Rubinyan Antalya Diplomatiya Forumuna qatılacaqlar.
“Hamının səsinin burada eşidilməsini istəyirik. Paşinyan Antalya Diplomatiya Forumunda iştirak edə biləcəklərini bildirib. Azərbaycan da gəlir. Hər kəs düşüncələrini söyləsin”, - deyə Çavuşoğlu qeyd edib.
