Əmək Məcəlləsinə dəyişiklik layihəsi hazırlanıb
“İtkin düşən, yaxud ölkədən gedən və digər səbəblərdən vətəndaşların sistemdə qalan əmək müqavilələrin ləğvi ilə bağlı Əmək Məcəlləsinə dəyişiklik layihəsi hazırlanıb”.
“Report” xəbər verir ki, bunu Dövlət Əmək Müfəttişliyi Xidmətinin rəisi Fuad Heydərov “Sosial saat”da deyib.
Onun sözlərinə görə, bəzən sadalanan səbəblərdən bir çox işçilər başqa yerdə işə düzələ bilmirlər:
“Bizə müraciət edəndə onları məhkəməyə yönləndiririk. Təklif olunan dəyişikliklə Dövlət Əmək Müfəttişliyi Xidmətinə həmin müqavilələrin qüvvədən salınması üçün səlahiyyət veriləcək”.
