Azərbaycanın hərbi dənizçiləri Türkiyədə təlim keçiblər
Azərbaycan Hərbi Dəniz Qüvvələrinin hərbi qulluqçuları Türkiyədə təlim kursu keçiblər.
Bu barədə Türkiyə Milli Müdafiə Nazirliyi məlumat yayıb.
“Hidroqrafiya kurs”ları Türkiyə Hərbi Dəniz Qüvvələrinin Naviqasiya Hidroqrafiyası və Okeanoqrafiya İdarəsinin nəzdində keçirilib və 2021-ci il sentyabrın 20-dən 2022-ci il martın 4-dək davam edib.
Kurslarda Azərbaycan hərbi dənizçiləri ilə yanaşı Qazaxıstan hərbçiləri də iştirak edib.
