YAP-dan ayrılan jurnalist AzTV-yə getdi
Bir müddət əvvəl Yeni Azərbaycan Partiyasındakı işindən ayrılan jurnalist Elməddin Quliyev fəaliyyətini AZTV-də davam etdirəcək.
AFN xəbər verir ki, bu barədə o, Feysbuk hesabında məlumat paylaşıb:
“Artıq bu gündən doğma kollektivim Azərbaycan Televiziyasındayam. Daim yenilənən AzTV-də görülən işlərin tərkib hissəsi olmağa çalışacağam”, - deyə qeyd edib.
Xatırladaq ki, telejurnalist E. Quliyev ötən ilin mayından Yeni Azərbaycan Partiyası Mərkəzi Aparatının İctimaiyyətlə əlaqələr şöbəsinin müdiri, 2022-ci il yanvarından İnformasiya texnologiyaları və ictimaiyyətlə əlaqələr şöbəsinin müdiri vəzifəsində çalışırdı.
O, bu ilin iyul ayında YAP-dakı vəzifəsindən ayrılıb.
