Oğlunun narkotik qəbul etməsindən şübhələnən ana özünü yandırdı
Bakıda 43 yaşlı qadın özünü yandırıb.
AFN “Qafqazinfo”ya istinadən xəbər verir ki, dünən günorta saatlarında paytaxt sakini, 1979-cu il təvəllüdlü G.Məmmədova Respublika Yanıq Mərkəzinə çatdırılıb. Onun üzünün və yuxarı ətraflarının yandığı müəyyən edilib.
Hadisə ilə bağlı aparılan ilkin araşdırmalar zamanı qadının evdə oğlu ilə mübahisə etdiyi və bu zəmində özünü yandıraraq intihara cəhd etdiyi məlum olub. Belə ki, G.Məmmədova oğlu Turalın (şərti) evə gəlməməsi və onun narkotik vasitə qəbul etməsindən şübhələndiyi üçün əsəbiləşərək canına qıyıb.
Faktla bağlı araşdırmalar davam etdirilir.
