3 uşaq anası ərinin öldüyü xəstəlikdən vəfat etdi
İsmayıllıda 34 yaşlı qadın vəfat edib.
AFN Qafqazinfo-ya istinadla xəbər verir ki, rayonun Qalagah kənd sakini Samirə Qasımovanın halı gözlənilmədən pisləşib və o, yaxınları tərəfindən xəstəxanaya çatdırılıb.
Ancaq müayinə zamanı məlum olub ki, o, artıq keçinib. Mərhumun vərəm xəstəliyindən əziyyət çəkdiyi bildirilib.
Qeyd edək ki, S.Qasımova 3 uşaq anası olub. Onun əri də bir neçə il öncə eyni xəstəlik səbəbindən dünyasını dəyişib.
