Türkiyə lideri: "Putinlə bir-birimizə inanırıq"
![](https://static.report.az/photo/61589c27-ce02-375a-9393-42211daf0503_850.jpg)
"Rusiya Prezidenti Vladimir Putinlə bir-birimizə qarşı inam olmasaydı, "taxıl sazişi" də bərpa olunmazdı".
"Report" xəbər verir ki, bunu Türkiyə Prezidenti Rəcəb Tayyib Ərdoğan deyib.
O, Rusiya Prezidenti ilə aralarında qarşılıqlı hörmətin olduğunu bildirib: "Ona görə də bu nailiyyət əldə edilir və bu prosesi davam etdiririk".
Ərdoğan Türkiyənin vasitəçiliyinin davam etdiyini vurğulayıb. O, Rusiyanın Xersonla bağlı verdiyi qərarı müsbət addım adlandırıb: "Rusiya G-20 sammitində təmsil olunarsa, üzbəüz görüş keçirəcəyəm. Əks halda təmasları telefonla davam etdirəcəyəm".