Kriştano Ronaldodan iradlara cavab: "İstədiyim zaman danışaram"
"Mançester Yunayted"in hücumçusu Kriştiano Ronaldo İngiltərə klubu ilə bağlı səsləndirdiyi fikirlərdən sonra şəxsinə edilən tənqidlərə cavab verib.
AFN xəbər verir ki, bu barədə "The Sun" nəşri yazıb.
Ulduz futbolçu bildirib ki, istədiyi zaman danışa bilər:
“37 yaşında nəyisə sübut etməli olsaydım, narahat olardım. Mənim üçün vaxt hər şeydir. Mənim haqqımda fikirlər yazmaq asandır, çox vaxt doğru və ya yalan olur. Lakin vaxtım mənə məxsusdur və başqaları haqqında düşünmək məcburiyyətində deyiləm”.
Qeyd edək ki, noyabrın 14-də Ronaldo ingilis komandasını xəyanətdə ittiham edib. O, həmçinin "Mançester Yunayted"in baş məşqçisi Erik ten Haqa hörmət etmədiyini deyib. K.Ronaldo bu mövsüm "Mançester Yunayted"in heyətində bütün turnirlərdə 16 oyuna çıxıb. Onun hesabında üç qol və iki məhsuldar ötürmə var.
