Lənkəranda məktəbli döyülüb - VİDEO
Lənkəran rayonu, Viyən kəndində məktəbli döyülərək ağır vəziyyətə salınıb.
AFN Xəzər Xəbər-ə istinadən xəbər verir ki, Viyən kənd tam orta məktəbinin XI sinif şagirdi axşam saatlarında kəndin ərazisində naməlum şəxs və ya şəxslər tərəfindən döyülüb. Xəsarət alan yeniyetmə təcili yardım avtomobili ilə Lənkəran Rayon Mərkəzi Xəstaxanasına çatdırılıb. Həkimlər şagirdin vəziyyətini orta-ağır kimi qiymətləndiriblər.
Yaxınlarının sözlərinə görə, onun kənddə heç kimlə bir münaqişəsi olmayıb. Özü də ali məktəbə hazırlaşır.
Şagirdin ailəsi bu hadisədən xəbər tutan kimi, dərhal polis orqanlarına məlumat veriblər. Daxili İşlər Nazirliyinin mətbuat xidmətinin regional qrupundan bildirildi ki, Lənkəran Şəhər Rayon Polis Şöbəsinə müraciət daxil olub. Hazırda araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir:
