KTMT Azərbaycan sərhədinə missiya göndərir
“Kollektiv Təhlükəsizlik Müqaviləsi Təşkilatı Ermənistana yardım üçün bütün tədbirlər kompleksini, o cümlədən vəziyyəti qiymətləndirmək üçün Azərbaycanla sərhədə missiya göndərməyi təklif edib”.
AFN.az xəbər verir ki, KTMT-nin baş katibi Stanislav Zas Belarusun “ONT” telekanalına müsahibəsində belə deyib. “Vəziyyət asan deyil, ilk növbədə Ermənistanla Azərbaycan sərhədində demək olar ki, hər gün atışmalar olur. Ümumiyyətlə, KTMT-nin Ermənistana yardım kimi təklif etdiyi tədbirlər kompleksi və oradakı tədbirlər müxtəlifdir: siyasi-diplomatik, hərbi, o cümlədən, sərhədə missiyanın göndərməklə vəziyyət real qimətləndiriləcək. Bunlar ümumiyyətlə, bütün dövlətlərin dəstəyini qazanıb. Əldə edilə bilməyən yeganə şey orada yaranmış vəziyyətin ümumi qiymətləndirilməsi idi”-deyə Zas bildirib.
M.Vahidli
