Lionel Messi PSJ ilə danışıqlara başlayıb
Argentina millisinin futbolçusu Lionel Messi şərəfini qoruduğu Fransa klubu PSJ ilə yeni müqavilənin şərtlərini müzakirə etməyə başlayıb.
“Report”un “Foot Mercato”ya istinadən məlumatına görə, tərəflər arasında danışıqlar start götürüb.
Paris təmsilçisinin prezidenti Nasser el-Xelaifi 35 yaşlı hücumçunun nümayəndələri ilə Qətərdə bir araya gəlib. O, Messi ilə ən azı daha 1 illik yeni sözləşmənin imzalanmasında maraqlıdır.
Qeyd edək ki, Lionel Messinin PSJ ilə hazırkı anlaşmasının müddəti mövsümün sonuna qədərdir.
