Ukrayna aviasiyası Rusiya qüvvələrinin yerləşdiyi ərazilərə dəqiq zərbələr endirib
Ukrayna aviasiyası Rusiyanın mövqelərinə dəqiq zərbələr endirib.
AFN.az UNİAN-a istinadən xəbər verir ki, öz növbəsində Rusiya Ukraynaya 85 raket və 35 hava zərbəsi endirib. Həmçinin, işğalçılar çoxsaylı raket sistemlərindən 63 hücum həyata keçiriblər. Ötən gün Ukrayna Silahlı Qüvvələri 5 komanda məntəqəsini, canlı qüvvənin cəmləşdiyi 5 ərazini və rus işğalçılarının silah-sursat anbarını vurub.
Bu barədə Ukrayna Silahlı Qüvvələrinin Baş Qərargahı məlumat yayıb. Qeyd olunur ki, müdafiə qüvvələrinin aviasiyası son sutka ərzində şəxsi heyətin, silah-sursatın, hərbi texnikanın cəmləşdiyi rayonlara və düşmənin zenit-raket kompleksinin mövqeyinə zərbələr endirib.
Eyni zamanda qeyd edilir ki, Ukraynanın kritik infrastrukturuna hava və raket zərbələri endirilməsi təhlükəsi qalmaqdadır.
