Böyük Britaniya nüvə enerjisinə böyük maliyyə dəstəyi elan edir
Böyük Britaniya elektrik stansiyalarının yerli nüvə yanacağı istehsalını dəstəkləmək üçün 75 milyon funt sterlinq (90,5 milyon dollar) ayırdığını açıqlayıb.
Britaniya hökumətinin saytında yerləşdirilən press-relizdə deyilir ki, nüvə yanacağı istehsalının mühüm mərhələsi olan uranın çevrilməsi ilə məşğul olan müəssisələr ölkədə yeni konversiya potensialının inkişafı üçün fonddan qrantlar almaq üçün müraciət edə biləcəklər.
AFN.az xarici mediaya istinadən xəbər verir ki, 2020-ci ildə Britaniyanın elektrik enerjisinin 16 faizi altı atom elektrik stansiyasından əldə edilib. Maliyyələşdirmə G7 liderlərinin iyun ayında Rusiyadan mülki nüvə və əlaqəli mallardan asılılığı azaltmaq barədə razılığa gəlməsindən sonra elan edilib.
Əsas təchizatçı Rusiyaya tətbiq edilən sanksiyalar səbəbindən qlobal enerji böhranı fonunda İngiltərə etibarlı, əlverişli, aşağı karbonlu və ölkədə istehsal olunacaq alternativ enerji mənbələri axtarışına başlayıb.
Qeyd edək ki, qlobal uranın çevrilmə qabiliyyətinin təxminən 20 faizi və zənginləşdirmə qabiliyyətinin 40 faizi Rusiyaya məxsusdur.
