İranın Bakıdakı səfiri Tehrana niyə gedib?
İranın Azərbaycandakı səfiri Seyid Abbas Musəvi məsləhətləşmələr aparmaq üçün Tehrana gedib.
Musavat.com xəbər verir ki, bu barədə erməni mediası məlumat yayıb.
Məlumatda deyilir ki, İranın Mehr agentliyinin məlumatına görə, səfir İranın xarici işlər naziri Hüseyn Əmir Abdullahiyanla görüşüb. Səfirlə nazir arasında məsləhətləşmələr Azərbaycanla İran arasında yeni siyasi gərginlik, İranın Azərbaycana qarşı təhdidlərlə keçirdiyi hərbi təlimlər, yeni hücumlar və təhdidlər fonunda keçirilir.
Bildirilir ki, S.Ə.Musəvi Azərbaycan rəsmiləri ilə iki günlük danışıqlarının nəticələrini İran Xarici İşlər Nazirliyinin rəhbərinə təqdim edib.
