Keçmiş Baş naziri avtomobil vurub öldürdü
Dağıstan Respublikasının keçmiş Baş naziri Maqomed Abdullayevi Mahaçqalada maşın vuraraq öldürüb.
AFN.az “İnterfaks”a istinadən xəbər verir ki, 61 yaşlı Maqomed Abdullayev yol keçərkən “VAZ-21214” markalı avtomobil onu vurub.
Xəstəxanaya çatdırılan sabiq Baş nazirin həyatını xilas etmək mümkün olmayıb.
Hazırda hadisə ilə bağlı araşdırma aparılır.
Qeyd edək ki, M.Abdullayev 2010-cu ilin fevralından 2013-cü ilin yanvarına qədər Dağıstanın Nazirlər Kabinetinə rəhbərlik edib.
