Rusiya Premyer Liqasının prezidenti UEFA-nın iclasına dəvət edilib
Rusiya Premyer Liqasının prezidenti Aleksandr Alayev UEFA-nın Futzal və Çimərlik Futbolu Komitəsinin iclasına dəvət edilib.
“Report” yerli mətbuata istinadən xəbər verir ki, toplantı aprelin 25-də qitə futbol qurumunun İsveçrənin Nyon şəhərindəki mənzil-qərargahında baş tutacaq.
RPL prezidenti 2022-ci il fevralın 24-dən bəri ilk dəfə UEFA-nın tədbirinə çağırılıb. Bu dəvətə əsasən, Rusiya komandalarının tədricən beynəlxalq arenaya qayıtmaları prosesinə başlanılacağı güman edilir.
Qeyd edək ki, FIFA və UEFA 2022-ci ilin martında Rusiya klublarının və milli komandalarının beynəlxalq turnirlərdən kənarlaşdırıb.
