"Qarabağ"ın futbolçusu həftənin ən yaxşısı adına namizəd oldu
UEFA Konfrans Liqasının pley-off mərhələsinin ilk oyunlarından sonra həftənin ən yaxşı futbolçusu adına namizədlər bəlli olub.
Qol.az UEFA-nın rəsmi saytına istinadən xəbər verir ki, siyahıda "Qarabağ"ın monteneqrolu yarımmüdafiəçisi Marko Yankoviç də yer alıb. Digər 3 namizəd isə "Fiorentina"dan Luka Yoviç, Kiprin AEK-indən Anxel Qarsiya və "Trabzonspor"dan Trezegedir.
Qeyd edək ki, Yankoviç ötən gün Bakıda "Gent"ə (Belçika) 1:0 hesabı ilə qalib gəldikləri matçda qol ötürməsi edib. Onun görüş ərzindəki ötürmələrinin 67 faizi dəqiq alınıb.
Qalib UEFA-nın saytında keçirilən sorğu nəticəsində müəyyənləşəcək.
