İsveç və FinlandiyaTürkiyə qarşısında götürdükləri öhdəlikləri yerinə yetirməyib
İsveç və Finlandiya NATO-ya üzvlüklə bağlı Türkiyə qarşısında götürdükləri öhdəlikləri yerinə yetirməyib.
AFN.az-ın xəbərinə görə, bu barədə “Anadolu” agentliyi diplomatik mənbələrə istinadən məlumat yayıb.
Sabah Brüsseldə İsveç, Finlandiya və Türkiyə nümayəndələrinin üçtərəfli görüşü keçiriləcək. “Brüsseldə NATO-nun Madriddə keçirilən sonuncu sammiti çərçivəsində Helsinki və Stokholm tərəfindən üzərinə götürülmüş öhdəliklərin yerinə yetirilməsi ilə bağlı ətraflı fikir mübadiləsi aparılacaq. Vəziyyət alyans nümayəndələrinin bəyanatlarından fərqlidir. Öhdəliklər əsasən yerinə yetirilmir”, - deyə agentliyin açıqlamasında bildirilir. "Türkiyə hakimiyyəti İsveç və Finlandiyadan konkret addımlar gözləyir".
