İtaliya ChatGPT-yə qadağa qoyuldu
İtaliyada məlumatların məxfiliyi və qanun pozuntuları səbəbindən "ChatGPT" qadağan edilib.
AFN.az-ın xarici mediaya istinadən məlumatına görə, xəbərin detallarında qeyd edilir ki, İtaliyanın milli məxfilik tənzimləyicisi "OpenAI"ni şəxsi məlumatların qeyri-qanuni toplanmasında ittiham edərək "AI chatbot ChatGPT"-yə qadağa qoyulmasını tapşırıb. "OpenAI"-yə məlumat göndərərək, italyan istifadəçilərinin məlumat toplama təcrübələrini dəyişdirənə qədər onların məlumatlarını toplamaqdan dərhal imtina etmək tələb edilib.
Məlumatların Mühafizəsi İdarəsi şirkətin istifadəçilərin şəxsi məlumatlarını toplamaq üçün hüquqi əsaslarının olmadığını bildirib. "OpenAI"-nin yetkinlik yaşına çatmayanların xidmətə daxil olmasını dayandırmaq üçün heç bir mexanizmi yoxdur. Bu da yetkinlik yaşına çatmayanları inkişaf və özünüdərketmə dərəcələri ilə müqayisədə tamamilə uyğun olmayan cavablara məruz qoyur" - deyə müvafiq açıqlamada bildirilir.
Qeyd edək ki, bu, İtaliyanın məlumat izləyicisinin süni intellekt chatbotuna qarşı ilk dəfə belə addım atması deyil. Tənzimləyici daha əvvəl fevral ayında chatbot tətbiqi "Replika.ai"ni qadağan etmişdi. "Replika" bəzi istifadəçilərin chatbot ilə inkişaf etdirdiyi şəxsi münasibətlərə görə şöhrət qazanıb. İstifadəçilər şirkət bu yaxınlarda erotik rol oyunu seçimini ləğv etdikdən sonra öz məyusluqlarını ifadə ediblər.
