Nazir ağacəkmə aksiyasına qatıldı
Ümummilli lider Heydər Əliyevin anadan olmasının 100-cü ildönümü münasibətilə Ekologiya və Təbii Sərvətlər Nazirliyinin təşkil etdiyi ağacəkmə tədbirləri bu gün də davam edib.
AFN.az xəbər verir ki, Ekologiya və Təbii Sərvətlər, Səhiyyə nazirlikləri, Milli Aviasiya Akademiyası, “Azərbaycan Xəzər Dəniz Gəmiçiliyi” QSC-nin rəsmiləri və əməkdaşlarının, eyni zamanda, tələbə və könüllülərin iştirakı ilə Müşfiqabad qəsəbəsində Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.
Ağacəkmə tədbirlərinin keçirilməsində məqsəd yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin əziz xatirəsini yad etmək, Ümummilli Liderin təbiətə, yaşıllıqlara qayğı ənənələrini davam etdirməkdir.
