Məşhur amerikalı teleaparıcı vəfat edib
Məşhur amerikalı teleaparıcı Cerri Springer 79 yaşında vəfat edib.
AFN.az xəbər verir ki, bu barədə TMZ məlumat yayıb.
Nəşrin məlumatına görə, Springer mədəaltı vəzi xərçəngindən əziyyət çəkirdi, son bir həftədə onun vəziyyəti pisləşməyə başlayıb. Bu gün səhər aparıcı Çikaqo bölgəsindəki evində dünyasını dəyişib.
Cerri Springer 13 fevral 1944-cü ildə Londonda anadan olub. O, 1965-ci ildə Tulan Universitetində siyasət elmləri üzrə bakalavr dərəcəsi alıb, 1968-ci ildə Şimal-Qərb Universitetinin hüquq fakültəsini bitirib.
1982-ci ildə Springer NBC-nin WLWT-də siyasi köşə yazarı kimi işləməyə başlayıb. O, 30 sentyabr 1991-ci ildən 13 iyun 2018-ci ilə qədər yayımlanan özünün "Jerry Springer Show" adlı layihəsinə ev sahibliyi etməyə başlayanda uğur qazanıb. "Jerry Springer Show" əvvəlcə ciddi siyasi proqram kimi düşünülmüşdü, lakin üç ildən sonra formatı dəyişərək müxtəlif mövzulara üstünlük verildi.
