Deputat Vahid Əhmədova töhmət verilib
Milli Məclisin İntizam komissiyası deputat Vahid Əhmədova töhmət verib.
AFN.az xəbər verir ki, bu barədə qərar komissiyanın aprelin 28-də keçirilən iclasında qəbul edilib.
Qeyd edək ki, onun mətbuata verdiyi müsahibədə səsləndirdiyi bir sıra fikirlər deputatların narazılığına səbəb olub. Parlamentin aprelin 25-də keçirilən iclasında V.Əhmədovun müsahibəsi müzakirə edilib. Deputatlar onu sərt tənqid ediblər. Sonda məsələyə İntizam komissiyasında baxılması barədə qərar verilib.
