İranda iki aktrisaya hicabsız göründüyünə görə cinayət işi açılıb
İran aktrisalar Kosari və Deqana hicabsız ictimaiyyətə çıxdıqlarına görə cinayət işi açıb.
AFN.az xəbər verir ki, İranda iki kino aktrisası Baran Kosari və Şaqaye Deqan ictimai yerə hicabsız çıxdıqları üçün məhkəməyə verilib. Bu barədə “Times of Israel” məlumat yayıb.
Dəfn mərasimində başı açıq görünən Kosarinin işi məhkəməyə verilib. Deqan daha əvvəl kafedə hicabsız görüntülənib. Hər iki aktrisanı cərimə və ya həbs cəzası gözləyə biləcəyi deyilir.
Nəşr qeyd edib ki, bundan əvvəl İranda daha 4 aktrisaya qarşı analoji iş başlanıb. Onlardan bəziləri ölkənin kino sənayesindəki uğurlarına görə mükafatlar alıblar.
Bundan əvvəl İran xəbər agentliyi özlərinə həvalə edilmiş işi yerinə yetirərkən ölkədə məcburi geyim tərzini sabotaj etdiyini etiraf edən bir neçə hicabsız qadının həbs edilməsi barədə məlumat yayıb. Bundan əvvəl İranın Təhsil Nazirliyi ali məktəblərdə hicab taxmaq qaydalarına əməl etməyən qadınların təhsilindən uzaqlaşdırılacağı açıqlamışdı.
İranda hicabın düzgün geyinilmədiyi iddiası ilə polis tərəfindən saxlanılan 22 yaşlı Məhsa Əmininin ölümü ilə əlaqədar qadınların baş örtüyü məsələsi xüsusilə aktuallaşıb. Bundan sonra ölkədə kütləvi etirazlar başlayıb.
