Rusiya-Yaponiya münasibətlərində gərginlik artır
Rusiyanın Yaponiyadakı diplomatik missiyasının rəhbərinin müavini, müvəqqəti işlər vəkili Gennadi Oveçko bildirib ki, Moskva ilə Tokio arasında münasibətlərdə müsbət dəyişiklik yoxdur, əksinə, münasibətlərin daha da pisləşməsi tendensiyası var.
AFN.az-ın Rusiya mediasına istinadən məlumatına görə, diplomat xatırladıb ki, Yaponiya uydurma bəhanələrlə qeyri-qanuni məhdudiyyətlər tətbiq edib. Söhbət şəxsi sanksiyalardan, əlaqələri kəsməkdən, Rusiya Mərkəzi Bankının ehtiyatlarının dondurulmasından və daha çox şeydən gedir.
Oveçko Tokionun Rusiyaya qarşı "zərərli siyasət" yürütmək istəyini açıq şəkildə bəyan etdiyinə diqqət çəkib: "“Biz nəinki administrasiyanın açıq-aşkar dost olmayan kursunda müsbət dəyişikliklər görmürük, həm də vəziyyətin daha da pisləşməsi tendensiyasını müşahidə edirik: Yaponiya G7 tədbirlərinin ev sahibi ölkəsi kimi "demokratik həmfikirlərin" Moskvaya təzyiqini artırmaq və Kiyev rejiminə dəstəyi artırmaq üçün səyləri qarşısına məqsəd qoyub".
Tokio dəfələrlə anti-Rusiya sanksiyalarını genişləndirib. Belə ki, fevral ayında Yaponiya yeni anti-Rusiya sanksiyaları tətbiq etdi, 48 Rusiya vətəndaşı, eləcə də 73 təşkilat məhdudlaşdırıcı tədbirlərə məruz qaldı.
Yanvar ayında Yaponiya Ukrayna ətrafındakı vəziyyətlə əlaqədar 49 təşkilata qarşı ixrac məhdudiyyəti qoyub. Bundan əlavə, Yaponiya tərəfi 22 məmur və üç təşkilatın aktivlərini dondurub.
