20 ildir aktiv olan rus proqram təminatı sındırıldı
ABŞ Ədliyyə Nazirliyi Rusiya Federasiyasının Federal Təhlükəsizlik Xidmətinə (FSB) aid olduğu bilinən və 20 ildir aktiv olan zərərli proqram şəbəkəsinin sındırıldığını açıqlayıb.
AFN.az-ın xarici mediaya istinadən məlumatına görə, departament açıqlayıb ki, FTB və ABŞ-ın Nyu-Yorkun Şərq Bölgəsi üzrə Prokurorluğu xarici hökumətlərlə koordinasiyada FSB-nin zərərli kiber-casus proqram implantatını zərərsizləşdirdiyi “MEDUSA əməliyyatını” uğurla başa çatdırıb.
Açıqlamada Rusiyanın 2004-cü ildən bəri 50 ölkədə virusa yoluxmuş yüzlərlə kompüterdən həssas məlumat əldə etmək üçün istifadə etdiyi “İlan” proqram şəbəkəsinin FTB tərəfindən zərərsizləşdirildiyi bildirilib. Baş prokurorun müavini Metyu Q. Olsen açıqlamasında bildirib ki, beynəlxalq müttəfiqlər və özəl sektor tərəfdaşları ilə əməkdaşlıq çərçivəsində zərərli proqramların zərərsizləşdirilməsi üçün hər cür sursat istifadə olunacaq.
FTB-nin MEDUSA əməliyyatı “Kreml tərəfindən dəstəklənən” hakerlər casus proqramının funksionallığını öz mənfi tərəfinə çevirərək proqramı özünü məhv etməyə məcbur edən “Perseus” adlı rəqəmsal alət sayəsində həyata keçirilib. Rəsmilər bildiriblər ki, zərərli proqram Rusiya kəşfiyyat qüvvələrinin NATO üzvü olan hökumətlərdən, jurnalistlərdən və maliyyə və texnologiya sektorlarına aid kompüterlərdən məlumatları oğurlayıb başqa platformaya ötürdüyü “faktiki olaraq aşkar edilməyən magistral” rolunu oynayır.
Qeyd edilib ki, MEDUSA əməliyyatı sayəsində zərərli proqramların yayılması üçün istifadə edilən "əhəmiyyətli sayda virtual infrastruktur" sıradan çıxarılıb və bu, sözügedən proqram təminatının təkrar istifadəsini çox çətinləşdirir.
