Rusiya Ukrayna ilə bağlı danışıqlara hazır deyil - Avstriyanın xarici işlər naziri
Moskvanın çoxsaylı hazırlıq bəyanatlarına baxmayaraq, Rusiya Ukrayna üzrə danışıqlara hazır deyil.
AFN.az xəbər verir ki, bunu Avstriyanın xarici işlər naziri Aleksandr Şallenberq Almaniyanın "Die Welt" qəzetinə müsahibəsində bildirib.
Şallenberq Qərbin Ukraynada atəşkəslə bağlı danışıqlara başlamalı olub-olmaması ilə bağlı suala cavab verərkən deyib: "Düşünürəm ki, hazırda səhv vaxt olardı. Moskva açıq şəkildə hazırda danışıqlara hazır deyil".
Onun fikrincə, Ukraynanın müttəfiqləri müdafiə uğrunda mübarizə aparmaq üçün ölkəyə hərbi, humanitar və iqtisadi dəstək verməyə davam etməli, həmçinin Rusiya Federasiyasına qarşı ardıcıl sanksiyalar tətbiq etməlidir.
Avstriya Xarici İşlər Nazirliyinin rəhbəri bildirib ki, Rusiya və digər hərbi niyyətli dövlətlər cilovlanmalıdır.
