Apple gələcəyin əsas məhsulunu açıqlayıb
Nüfuzlu insayder və analitik Ming-Chi Ko Apple-ın gələcək qarışıq reallıq qulaqlıqlarının perspektivlərini qiymətləndirib.
AFN.az xəbər verir ki, bu barədə mütəxəssis “Twitter” səhifəsində məlumat yayıb.
Apple-ın virtual və artırılmış reallıq qulaqlıqlarını nümayiş etdirəcəyi WWDC ərəfəsində Ming-Chi Ko bildirib ki, şirkətin investorları üçün süni intellektli qulaqlıq sahəsində uğur yeni bir smartfonun buraxılmasından daha vacibdir. Analitikin fikrincə, “Apple” onu süni intellektlə inteqrasiya edə bilsə, cihaz uğur qazanacaq.
Ming-Chi Ko süni intellekt sahəsindəki inkişafı Amerika şirkətinin gələcəkdə əsas məhsulu adlandırıb. Mütəxəssis qeyd edib ki, yeni mühüm məhsul uğurlu olarsa, Apple alternativ reallıq cihazları bazarına böyük təsir göstərəcək.
Ming-Chi Ko vurğulayıb ki, texnologiya və xidmətlərin artan populyarlığı fonunda investorlar süni intellektə daha çox maraq göstərirlər. Nümunə olaraq mütəxəssis ChatGPT platformasını göstərib.
Daha əvvəl mənbələr The Wall Street Journal-a bildiriblər ki, Apple işçilərə ChatGPT-dən istifadə etməyi qadağan edib. Lakin şirkətin analoji xidmət üzərində yenidən işə başladığı da məlum olub.
