"Samsung"un keçmiş rəhbəri şirkət məlumatlarını oğurladığı üçün həbs edilib
"Samsung"un keçmiş rəhbəri Çindəki fabrikin nüsxəsini yaratmaq üçün istifadə etdiyi məxfi məlumatları oğurlamaqda ittiham edilərək həbs edilib. Onun əməllərindən dəyən ziyan 233 milyon dollar qiymətləndirilir.
AFN.az xəbər verir ki, bu barədə "Bloomberg" məlumat yayıb. Nəşr yazır ki, həmin şəxs bu ilin mayında saxlanılıb.
65 yaşlı məhbusun adı açıqlanmır. Adam 18 il şirkətdə, son 10 ildə isə Koreyanın çip istehsal edən "SK Hynix" şirkətində rəhbər vəzifədə çalışıb. O, qeyri-qanuni olaraq şirkətin məxfi məlumatlarını (çizgilər, mərtəbə planları və istehsalda çirklərdən istifadəyə dair məlumatlar) əldə etməkdə ittiham olunur.
Bütün məlumatların 2018-2019-cu illərdə Çinin Sian şəhərindəki "Samsung" zavodundan 1,5 km aralıda mikroelektron istehsalı müəssisəsinin tikintisi üçün istifadə edilməsi planlaşdırılırdı.
Lakin onlar ideyanı həyata keçirməmək qərarına gəliblər - layihəyə 6,2 milyard dollar sərmayə qoymağı planlaşdıran Tayvan şirkəti fikrini dəyişib. Keçmiş top menecer çinli investorlardan 357 milyon dollar alıb və Çinin Çenqdu şəhərindəki fabrikdə “sınaq məhsulları” üzərində işə başlayıb. Amma onun bu əməli üzə çıxıb.
Məhkəmənin vaxtı daha sonra təyin olunacaq. Saxlanılan şəxs özünü təqsirli bilmir.
