Regionlardakı ali məktəblərdə tibb fakültələri açıla bilər
"Regionlarda fəaliyyət göstərən ali təhsil müəssisələrində tibb fakültələrinin açılması istiqamətində mərhələli, yəni keyfiyyəti qurban vermədən işləri davam etdirməliyik".
"Report" xəbər verir ki, bu fikirləri elm və təhsil naziri Emin Əmrullayev Bakıda ilk dəfə keçirilən Dünyadakı Azərbaycanlı Təbiblərin Simpoziumunda çıxışı zamanı deyib.
"Nazirlik olaraq inanırıq ki, universitetlərdə tibb fakültələrinin olması həmin təhsil ocaqlarının və təbabətin inkişafına qarşı atılan addım olar. Yəqin razılaşarsınız ki, XXI əsrin həkimləri həm də müvafiq digər sahələrdə səriştələrə sahib olmalıdır. Həkim oxuduğu dövrdə digər sahədə biliyə sahiblənməsində ziyanlı bir şey yoxdur. Bugünkü bir çox ali təhsil müəssisələrinin reytinq siyahısına təsir edən amil məhz tədqiqatlardır", - o əlavə edib.
