Rostov-na-Donu şəhərinin mərkəzində partlayış səsi eşidilib
Rostov-na-Donu şəhərinin mərkəzində partlayış səsi eşidilib, hərbi texnikanın hərəkəti başlayıb.
Bu barədə "Lenta.ru"nun müxbiri xəbər verib.
O, insanlardan şəhərin mərkəzindəki Budyonnovski prospektini tərk etmələrinin tələb olunduğunu və hərbi texnikanın oraya daxil olduğunu bildirib: ""Vaqner"in döyüşçüləri tərəfindən işğal edilmiş Cənub Hərbi Dairəsinin (SMD) qərargahının yanında partlayış olub”, - deyə o bildirib.
Bundan əvvəl Rostov-na-Donuda bir-birinin ardınca iki kişi və bir qadın izdihamda vəziyyəti qızışdırmağa və mübahisələr salmağa çalışıblar.
Priqojinə qarşı silahlı üsyan təşkil etmə faktı ilə bağlı cinayət işi başlanıb.
