Sudanın paytaxtı Xartum ətrafında şiddətli qarşıdurmalar davam edir
Paytaxt Xartumun strateji nöqtələrində Sudan ordusu ilə Çevik Dəstək Qüvvələri arasında ağır silahların istifadə edildiyi qarşıdurmalar davam edir.
AFN.az yerli mediaya istinadən xəbər verir ki, Sudan ordusu paytaxtın cənubundakı Şejara rayonunda strateji əhəmiyyətli Zirehli Bölmələr Qərargahına hücum edən Çevik Dəstək Qüvvələrinin (HDK) üzvlərini ağır artilleriya hücumu ilə bölgədən geri çəkilməyə məcbur edib.
Paytaxtın qərbində yerləşən Umdurman şəhərinin sakinləri də xüsusi təyinatlıların dəstəklədiyi ordu qüvvələrinin bölgədəki vətəndaşların evlərində məskunlaşan HDK qüvvələrini çıxarmaq üçün şəhərdə əməliyyatlarını davam etdirdiklərini bildiriblər.
Paytaxtın şimalında yerləşən Bəhri şəhərində tərəflər arasında şiddətli toqquşmalar baş verib. Silah səslərinin və tüstünün yüksəldiyi şəhərdə döyüş təyyarələri intensiv döyüşlər edib.
Silahlı Qüvvələrdən verilən açıqlamada ordu komandanı general Əbdülfəttah əl-Burhanın hərbi bölgə komandirlərinə könüllü olaraq orduya qatılmaq istəyən gənclərin qəbulu və hərbi əməliyyatlara hazırlıqla bağlı göstəriş verdiyi bildirilib.
Sudanın mərkəzi hissəsində üç paytaxt adlandırılan Xartum, Umdurman və Bahri şəhərlərindəki strateji nöqtələrin üstünlüyü uğrunda tərəflər bir həftədir ki, gərgin qarşıdurma aparırlar.
