Bosniya və Herseqovinada ənənəvi Mostar körpüsündən tullanma mərasimləri keçirilib
Ənənəvi Mostar körpüsündən tullanma yarışları bu il 457-ci dəfə Bosniya və Herseqovinanın cənubundakı Mostar şəhərində keçirilib.
Osmanlı mirası olan tarixi Mostar körpüsündə keçirilən tullanma yarışlarına Qərbi Balkan ölkələrindən 33 idmançı qatılaraq Neretva çayının sərin sularına qərq olub.
Evald Krnic Mostarda 457 ildir davam edən ənənəvi tullanmanın "yerüstü" kateqoriyasında birinci olub. Eyni kateqoriyada Ahmet Stupac ikinci, Dino Bajric isə üçüncü yeri tutub.
“Dik tullanma” kateqoriyasında İqor Kaziç birinci, Emel Tiro ikinci, Harun Bajroviç üçüncü olub.
Keçən ilin qalibləri Krniç və Kaziç bu il də tullanmada qalib gəliblər. Minlərlə insan Mostar körpüsündə ənənəyə əməl edib.
Mostarda 457 illik ənənə
1566-cı ildə Memar Sinanın tələbəsi Memar Hayrettin tərəfindən inşa edilən Mostar körpüsündə keçirilən yarışlarda Bosniya və Herseqovina, Sloveniya, Serbiya, Xorvatiya, Kosovo, Şimali Makedoniya, Monteneqro və digər ölkələrdən idmançılar iştirak edir.
"Mostar şəhərinin ruhu" kimi tanınan tarixi körpü 1993-cü il mayın 9-da Bosniya və Herseqovinada müharibənin ən qəddar hücumlarından birinin qurbanı olub.
Əsrlər boyu Bosniya və Herseqovinada tolerantlıq və mədəni müxtəlifliyin simvolu olan Mostar körpüsü 9 noyabrda Xorvat əsgərlərinin tank atəşinə tab gətirə bilməyib Neretva çayının sularına basdırıldı, lakin mostarlılar körpünün uçmasına və döyüş şərtlərinə baxmayaraq, körpünün qalıqlarından ənənəvi atlama ziyafətini davam etdirdi.
Mostar körpüsü 2004-cü ildə Türkiyənin təşəbbüsləri ilə orijinalına uyğun olaraq yenidən tikilib. Övliya Çələbi “Səyahətnamə” kitabında Mostar körpüsündə tullanma yarışlarına da yer verib.
