Almaniyanın xarici işlər naziri təyyarəsindəki nasazlıq səbəbindən Sakit okean səfərini ləğv edib
Almaniyanın xarici işlər naziri Annalena Berbok təyyarəsindəki nasazlıq səbəbindən Avstraliya, Yeni Zelandiya və Fici Respublikasına səfərini ləğv edib.
Sosial mediada verdiyi açıqlamada Barbok, hər şeyin sınaqdan keçirildiyini ifadə edərək, "Təəssüf ki, nasaz bir təyyarə olmadan Hind-Sakit okean səyahətimi davam etdirmək məntiqi cəhətdən mümkün deyil" - deyə bildirib.
Hind-Sakit okean bölgəsinin təkcə dostları və tərəfdaşları olmadığını, bu bölgənin 21-ci əsrin dünya nizamını formalaşdıracağını vurğulayan Barbok dialoqun vacib olduğunu qeyd edib.
Spiegel jurnalı xəbər verir ki, səfərin ləğvindən sonra Barbok Abu Dabidən planlı reyslə Berlinə qayıdacaq.
Bazar günü axşam saatlarında Almaniyadan Avstraliyaya gedən Almaniyanın xarici işlər naziri Barboku daşıyan "Airbus 340-300" tipli təyyarə yanacaq doldurmaq üçün Birləşmiş Ərəb Əmirliklərinin (BƏƏ) paytaxtı Əbu-Dabiyə enib.
Yanacaq doldurduqdan sonra havaya qalxan təyyarədə mexaniki nasazlıq aşkar edilib. Təyyarə təxminən 2 saat dövrə vurduqdan və 80 ton yanacaq boşaltdıqdan sonra Əbu-Dabiyə məcburi eniş edib.
Təyyarə eyni nasazlıq üzündən gecə ikinci dəfə Əbu-Dabiyə qayıtdığı üçün bu səhər Barbokun Sakit okean bölgəsinə səfərinin ləğv edilməsi qərara alınıb.
Xarici işlər naziri Barbokun bu həftə Avstraliya, Yeni Zelandiya və Fici Respublikasına səfəri planlaşdırılırdı.
