Cənubi Koreya, ABŞ və Yaponiya raket əleyhinə dəniz təlimləri keçirir
Koreya Respublikası, ABŞ Hərbi Dəniz Qüvvələri və Yaponiya Dəniz Özünümüdafiə Qüvvələri çərşənbə axşamı Koreya yarımadasının cənubunda beynəlxalq sularda birgə raketdən müdafiə təlimi keçirib.
AFN.az-ın məlumatına görə, bu barədə "Yonhap" xəbər verib.
Təlimdə hər tərəfdən "Aegis" sistemi ilə təchiz edilmiş esmines iştirak edir. İştirakçılar KXDR ballistik raketinin kompüterlə simulyasiya edilmiş uçuşunun aşkarlanması və izlənilməsi prosedurlarını məşq ediblər.
Üç ölkənin dənizçiləri məlumat mübadiləsi sistemini də sınaqdan keçiriblər. Bildirilir ki, ilin sonunadək Koreya Respublikası, ABŞ və Yaponiyanın real vaxt rejimində raket buraxılışları haqqında məlumat ötürməyə başlayacağı gözlənilir. Bundan əvvəlki analoji üçtərəfli təlim iyul ayında baş tutub.
Cənubi Koreya donanması bildirib ki, hazırkı manevrlər keçən həftə hərbi peykin buraxılması üzrə uğursuz cəhd də daxil olmaqla, Şimali Koreyadan artan nüvə və raket təhdidləri fonunda həyata keçirilib.
