"iPhone 12"-də radiasiya aşkarlandı
Fransanın Rəqəmsallaşma və Telekommunikasiya naziri Jean-Noel Barrot Fransada radiasiya qorxusundan sonra "Apple"ın "iPhone 12"-ni yeniləyəcəyini bildirib.
Jean-Noel Barrot qeyd edib ki, "Apple" yaxın günlərdə ölkədəki istifadəçilər üçün proqram yeniləməsini təqdim edəcək.
Fransada tənzimləyici həddindən artıq elektromaqnit şüalanma aşkar etdikdən sonra "iPhone 12"-nin satışı dayandırılıb. Buna görə "Apple"a problemi həll etmək tapşırılıb.
Şirkət bildirib ki, yeni yeniləmə yalnız xüsusi sınaq protokolunun mövcud olduğu Fransadakı istifadəçilər üçün əlçatan olacaq.
Amerika texnologiya nəhəngi radiasiya tapıntılarının bu sınaq cəhdinin nəticəsi olduğunu və bunun "təhlükəsizlik problemi olmadığını" iddia edib.
"iPhone 12" smartfonu ilk dəfə 2020-ci ilin sentyabrında buraxılıb və hələ də bütün dünyada gündəmdədir.
