ABŞ və Cənubi Afrika Respublikasında yeni İİV peyvəndinin 1-ci faza sınaqlarına başlanılıb
ABŞ və Cənubi Afrika Respublikasında Qazanılmış İmmunçatışmazlığı Sindromuna (QİÇS) səbəb olan İnsan İmmunçatışmazlığı Virusuna (İİV) qarşı yeni profilaktik peyvəndin Faza-1 tədqiqatlarına başlanılıb.
ABŞ Səhiyyə və İnsan Xidmətləri Departamentinin Milli Sağlamlıq İnstitutunun (NIH) verdiyi açıqlamaya görə, "VIR-1388" adlı peyvəndin təhlükəsizliyini və onun təsir qabiliyyətini qiymətləndirmək üçün 1-ci mərhələ peyvənd prosesi başladılıb.
ABŞ-da 6 müəssisədə və Cənubi Afrikada 4 sahədə həyata keçirilən birinci faza birinci doza peyvəndləri İİV daşıyıcısı olmayan cəmi 95 könüllüyə aparılacaq.
Açıqlamada Faza-1 mərhələsinin ilk nəticələrinin 2024-cü ilin sonunda alınacağı, könüllülərin ilk peyvənddən sonra 3 il izlənəcəyi bildirilib.
Bildirilib ki, yeni peyvənd 2004-cü ildən hazırlanıb və NIH tərəfindən maliyyələşdirilir.
Cənubi Afrika Respublikası dünyada HİV-ə yoluxma hallarının ən çox olduğu ölkədir.
Milli Yoluxucu Xəstəliklər İnstitutunun (NICD) məlumatına görə, ölkədə təxminən 7,7 milyon HİV daşıyıcısı var.
Ümumdünya Səhiyyə Təşkilatının (ÜST) məlumatlarına görə, 2022-ci ilə qədər dünyada təxminən 39 milyon insan HİV-ə malikdir. Dünyada hər 5 HİV daşıyıcısından biri Cənubi Afrikada yaşayır.
