ABŞ Səudiyyə Ərəbistanına tanklar və piyada döyüş maşınları üçün ehtiyat hissələri satır
Birləşmiş Ştatlar Səudiyyə Ərəbistanına ABŞ-ın "Abrams" tankları, M60 tankları, "Bradley" piyada döyüş maşınları (IFVs) və müvafiq avadanlıqlar üçün ehtiyat hissələri satmaq istiqamətində 500 milyon dollarlıq müqavilə elan edbi.
Bu barədə Dövlət Departamenti və hökumətlərarası müqavilələr əsasında xaricə hərbi texnika və silahların tədarükünə, silahlı qüvvələr arasında əlaqələrin inkişafına və Vaşinqtonun xarici dövlətlərinə maliyyə və texniki yardıma cavabdeh olan Pentaqonun müvafiq departamenti məlumat yayıb.
Açıqlamada bildirilir ki, krallıq dəstək müqaviləsi əsasında ona tanklar, piyada döyüş maşınları, minaatan maşınları, döyüş mühəndisliyi maşınları, HMMWV təkərli zirehli maşınlar, yüngül zirehli maşınlar, haubitsalar, tank əleyhinə sistemlər üçün ehtiyat hissələri, atıcı silahlar, gecəgörmə cihazları, radar qurğuları, generatorlar, rabitə avadanlıqları və s. satmağı xahiş edib.
ABŞ hökumətinin nöqteyi-nəzərindən, sazişin həyata keçirilməsi strateji tərəfdaşın özünümüdafiə səviyyəsini qorumaq və Yaxın Şərqdə sabitliyi gücləndirməklə ABŞ-ın xarici siyasəti və milli təhlükəsizlik məqsədlərinə nail olacaq. Dövlət Departamenti və Pentaqona görə, müqavilə regiondakı əsas hərbi balansı dəyişməyəcək. Sənəddə qeyd edildiyi kimi, nəticədə Amerika müdafiə sisteminin döyüş hazırlığına heç bir mənfi təsir olmayacaq.
Xarici İşlər Nazirliyi tərəfindən verilən bu sazişin həyata keçirilməsi üçün icazə alınıb. ABŞ administrasiyası artıq bu barədə Konqresə məlumat verib, qurumun yeni sazişi öyrənmək üçün 30 gün vaxtı var. Konqresin sazişi bloklamaq hüququ qüvvəsindədir.
