Macarıstanın xarici işlər naziri Moskvaya səfər edəcək
Macarıstanın xarici işlər naziri Peter Siyarto oktyabrın 11-13-də Moskvaya səfər edəcək və səfər zamanı Rusiya baş nazirinin müavini Aleksandr Novak ilə enerji məsələlərini müzakirə edəcək.
TASS agentliyinə müsahibəsində o, "Oktyabrın 11-dən 13-dək Rusiya Enerji Həftəsində iştirak etmək üçün Moskvaya səfər edəcəyəm", - deyə bildirib.
Nazir qeyd edib ki, Macarıstan enerji sahəsində əməkdaşlığa Rusiya ilə hazırkı qarşılıqlı fəaliyyətinin ən mühüm hissəsi kimi baxır.
Agentliyin məlumatına görə, Siyarto enerji məsələlərini müzakirə etmək üçün Moskvada Novakla danışıqlar aparmağı planlaşdırır.
“Komsomolskaya Pravda”nın yazdığına görə, Siyarto daha əvvəl Rusiyanın xarici işlər naziri Sergey Lavrovun Macarıstana Rusiya neft və qazının davamlı tədarükünə zəmanət verdiyini bildirib.
Nazir vurğulayıb ki, o, nazir Lavrovdan müqavilələrin əhatə dairəsinə uyğun olaraq tədarükün davam etdiriləcəyinə dair zəmanətin təsdiqini alıb.
