İş yerinin vatsapp qrupundan çıxarılan işçiyə rekord təzminat ödəndi
İngiltərə məhkəməsi xəstə ikən vatsapp qrupundan çıxarılan işçinin ayrı-seçkiliyə məruz qalması və 130 min funt sterlinq təzminat ödənməsinə qərar verib.
Londonun qərbindəki Hounslov şurasına məxsus obyektlərin idarə edilməsi şirkəti olan "Coalo"da işləyən 60 yaşlı Mark Brosnan belindəki zədə səbəbindən xəstəlik məzuniyyətində olarkən "vacib təhlükəsizlik məlumatlarını çatdırmaq" üçün istifadə edilən qrup söhbətindən kənarlaşdırıldığını bildirib.
Məşğulluq tribunalı onun söhbətdən kənarlaşdırmaq qərarını ədalətsiz hesab edərək bildirib ki, işçilərin başqaları ilə paylaşılan mesajlardan kənarlaşdırılması "mənfi davranış" təşkil edə bilər.
2021-ci ilin avqustunda keçirilən görüşdə işçi xəstəlik səbəbi ilə davamiyyətinin olmaması üçün vatsapp qrupundan çıxarıldığını öyrənib.
Brosnan 2021-ci ilin dekabrında menecerlərdən heç bir izahat almadan xəstəlik haqqı tam verilmədiyi üçün şirkəti tərk edib.
Məhkəmə şirkətin "tamamilə əsassız" davranışına görə Mark Brosnana 134 411 funt sterlinq təzminat ödəməyə qərar verib.
