Almaniyalı deputatlar "Şimal axını"nın təmiri və istifadəsinə çağırırlar
Almaniya hökuməti 2022-ci ildə zədələnmiş “Şimal axını 1” və “Şimal axını 2”nin təmiri imkanlarını öyrənməli və sonradan qaz kəmərləri vasitəsilə Rusiya qazının tədarükünü qurmalıdır.
Bu çağırışı Bundestaqın sağçı partiyası Almaniya üçün Alternativ (AfD) edib.
Bəyanatın müəllifləri müraciətlərində “Şimal axını”nın pozulmasının iqtisadi nəticələrini xatırladıblar.
“2022-ci il sentyabrın 26-da partlayışlar Danimarkanın Bornholm adası yaxınlığında “Şimal axını” qaz kəmərinin dörd xəttindən üçünü dağıdıb. Hücum Almaniyaya əhəmiyyətli iqtisadi ziyan vurdu, çünki o, indi getdikcə daha çox baha başa gələn mayeləşdirilmiş təbii qazın idxalından asılıdır və alman sənayesi yüksək enerji qiymətləri səbəbindən rəqabət qabiliyyətini itirmək riski daşıyır. Bütövlükdə, ekspertlər yüksək enerji qiymətləri ilə təhrik edilən Almaniya iqtisadiyyatının sənayesizləşdirilməsinin başlandığını artıq qeyd ediblər”, - deyə sənəddə deyilir.
Parlamentarilər bəyanatda zədələnmiş “Şimal axını” xətlərinin təmirinin mümkünlüyünü təsdiqləyən ekspertlərin rəyinə də istinad ediblər. Onlar zədələnmiş qaz nəqli infrastrukturunun bərpasına çağırırlar.
“Şimal axını” boru kəmərlərinin təmirinin mümkün olub-olmadığını, onun hansı qiymətə və hansı müddətdə həyata keçirilə biləcəyini, bu təmirin həyata keçirilməsi üçün hansı hüquqi və faktiki tələblərin zəruri olduğunu müəyyən edən araşdırma hazırlamaq üçün dərhal müstəqil ekspertlər tapşırılsın. Federal fondların büdcəsindən istifadə edərək bu tədqiqatı maliyyələşdirilsin. Bu araşdırmanı “Şimal axını 1” və “Şimal axını 2” əməliyyat şirkətləri, eləcə də Almaniya ictimaiyyəti üçün əlçatan etsin”, – deyə parlamentarilər bildiriblər.
"Şimal axını"nda partlayışlar 26 sentyabr 2022-ci ildə baş verib.
